حصريا جديد الفنان خالد عبدالرحمن

[الصقر الجارح]

اعتدنا دائما على مفاجات نجم النجوم خالد عبد الرحمن التى بلاشك مفاجات جميله وقريبه إلى قلبوب محبيه وعن جديده الفني الذي سيحمل مفاجات كثيره اجرينا اتصال بالاستاذ(( على سعد )) مدير القسم العربي في الاوتار الذهبيه ومدير اعمال الفنان خالد عبد الرحمن ذكر ان الالبوم سوف يزف للاسواق بعد اسبوعين من الان واكد ان البوم خالد الجديد فيه مزايا ليست موجودة في البومات الفنانين الاخرين وقال : منذ فترة لم نسمع مثل هذه النوعية من الاغاني وهذا مايجعلني اراهن عليه وبشده
واضاف بانه متفائل بان يكون الالبوم من افضل البومات الخليج قياسا بالكم الجميل من الاغاني التى ضمها والفتره الطويلة والموفقة من الاعداد والتحضير ....

يضم الألبوم تسعة أعمال غنائية لنجوم الكلمه واللحن في الخليج من اهمهم الامراء خالد بن سعود الكبير والامير محمد بن عبد العزيز والشاعره مطلع الشمس الشاعر ناصر القحطاني بالاضافه إلى مخاوي الليل ..حيث سيعرض فيديو كليب لاول مرة قبل طرح الألبوم «عمل واحد»، و«هو عمل . سيكون حديث الوسط الفني وشغله الشاغل. وذكر خالد سأعمل في الكليب على تصوير الكليب بطريقة مختلفة وجديدة، وسأكون من أوائل الفنانين في المملكة الذين سيقدمون هذه المغامرة».
العمل هو دويتو وسيشاركه فيه الشاعر ناصر القحطاني الذي كتب كلماته العمل و يحمل عنوان سلام، وهي بطريقة المحاورة ما بين الشاعر و المطرب،


ويتم حاليا طباعه الالبوم حيث تم الانتهاء من تصميم الغلاف وطباعته

1-الالبوم يحمل مسمى (( حظ عيني ))

كلمات مطلع الشمس
الحان / خالد عبد الرحمن




حظ عيني لو تشوفك كل يـوم
حظها وانت لناظرهـا الضيـا
نام فيها نام وانعـس لا تقـوم
بالسعادة يـا تباشيبـر الحيـا
انت اللي لك انا عمري اسـوم
وارخص الغالي بلا زيف وريا
والبقايا مالهم عنـدي لـزوم
قلبـي وقلبـك حبايـب اوفيـا
غيبتك وجدان واحزان وهمـوم
تتعب افكاري تسبب لـي عيـا
ودي بشوفك وبعطيك العلـوم
وعن عيوني لا يبعـدك النيـا
صدق انا مشتاق لك كني كتوم
اجبر عزومي ويمنعني الحيـا
منزللك فوق الكواكب والنجوم
وافي وسمعي على صوتك حيا
وش على عيني يلو شافتك دوم
دامك انت في محاجرها الضيـا
حظ عيني لو تشوفك كل يـوم
حظها وانت لناظرهـا الضيـا






2-ذوق روحي
كلمات / مخاوي الليل
الحان / خالد عبد الرحمن


3- انادي
كلمات / مخاوي الليل
الحان / خالد عبد الرحمن



أنادي من سكن بأقصـى فـؤادي
على منهو نفس روحـي و زادي
علـى منهـو حــرم عيـنـي
رقــادي أنــا أهــواه . . .
يزور العين طيفـه ثـم أضمـه
و أحس إن ّ الهوى عطره و أشمّه
و حبـي لــه يـفـوق عــن
حـب أمــه أنــا أهــواه .
صحيح إن الزمن فـرق حبايـب
و أنا رجواي في إنسـان غايـب
معـه قلبـي بـصـدق الـحـب
ذايــب أنــا أهـــواه . . .
أنا وياه و الذكرى الجميله خليـل
ٍ مـا نسـى عـشـرة خليـلـه
أنا أنسى الناس و أتركهمـو أجيله أنا أهواه .
ألا يـا سائلينـي عـن غرامـي
أنا ظامي لشوفـه حيـل ظامـي
أنــا أهـــواه و يكفـيـكـم
هيـامـي أنـــا أهـــواه .





4_قلب ووريد
كلمات / الدكتوره (( مناير الناصر ))
الحان / خالد عبد الرحمن




تدري وش أحس و أنا أجلس معك
تدري ويش القلب يهمس للوريـد
ودي أسنـد بكتفـك و أسمـعـك
و لا أفكر فـي قريـب و لا بعيـد
تدري أني بك أغار مـن إصبعـك
لا مسح وجه بشوفه يـوم عيـد
ودي أنـي قلبـك اللـي بضلعـك
و أنبض إحساس الغلا و أبقى وحيد
ما تصدق يوم كنت أجلـس معـك
بس أناظر في عيونـك و أستزيـد
أشربك وانسى ظمايـه واشبعـك
اشبعـك ولا ابـي يـوم جـديـد




6_ قبل الفراق
كلمات / الأمير الشاعر محمد بن عبدالعزيز
الحان / خالد الجمعان،



قبـل الفـراق أنـا وقلبـي ننتظرهـا بـشـوق
نحكـي نقـول هـل يـا تـرى نعتـب عليـهـا
وإلا هالمرة نسامح حتى لـو نرضـى عليهـا .
غــصــب تفـضـحـنـي الـمــلامــح
يــوم الـوعـد مـاجـت عـلـى ميعـادهـا
وبعـد الوعـد . . جتـنـي عـلـى ميعـادهـا
جتني تقول ما نستمر إنـت وأنـا فـي هالعمـر
إحــرق بقـايـا هالـرسـايـل والـصــور
يـا سنينهـا باقـي مـن لوعـة الفرقـا ألــم
وياحبهـا الباقـي فـي غربـة الذكـرى نـدمـ
ليه الشقا والعمـر مرهـون فـي كـف اللقـاء
ليه الشتات وأنت تدري مالي مـن بعـدك حيـاة
كـل العمـر كنتـي و أنهـى العمـر هاللحيـن
أنتـي يـا أنتـي قـصـة عمـرهـا سنـيـن
جيتـك لا تجـيـن يــا ذكـريـات السنـيـن
جيتك أشوف قصة الماضي علـى ذيـك الرفـوف
وآه يا الظروف. لو عرفتي وش حوت ذيك الرفوف
ذيـك الرسايـل والصـور وعـذب الـحـروف
كـل العمـر كنتـي و أنهـى العمـر هاللحيـن
أنتـي يـا أنتـي قـصـة عمـرهـا سنـيـن



اغنيه انادي من توزيع محسن عدلي وحملت الأغنيات الباقية تواقيع موزعين آخرين، هم طارق عاكف، محمد عبد الحميد، وليد فايد، وإبراهيم الراديو اشراف عام خالد البراك.

طبعنا جميع هذه الاعمال سبق وان طرحتها في فترات سابقه هنا .. وتم اعتمادها في الالبوم القادم وباذن الله احاول اجيب لكم الثلاث الاغاني الباقية .. يذكر ان الاوتار الذهبية سوف تقيم موتمر صحافي لهذا العمل ..

[الصقر الجارح]

تعاون فني جديد بين الشاعر قايد الشريف والفنان خالد عبد الرحمن العمل بعنوان (( قلي علامك)) وهو لدى خالد عبد الرحمن منذ فتره لكني لا اعلم متى سيتم طرحه في الاسواق بالضبط و بالنسبه لتوقيت نزوله هذا امر يخص ابا نايف .ولا اعرف سبب تاخيرها فربما زحمة الاعمال الجاهزه لدى خالد هي من حال دون نزولها وقد يكون خالد صرف النظر عن نزولها مؤقتا او كليا . ,,,

قصيدة قلي علامك اللي تقول كلماتها

قلي علامك ماتجي لاقبل الليل...........ماتدري ان الليل موحش بلياك
ان غبت عني ليل جتني مقابيل..........ذيك الهموم اللي لفت يوم فرقاك
ياخذت موتك شب تحت المعاميل.......اما تقهوى شوق والا اتقهواك
دام الغلا فنجال ينضح به الهيل........اقلط تقهوى خذت موتك وماجاك
ماوالله ازعل هالعيون المظاليل........مادمت انا حي فجمل العمر يفداك
شربت شوق وماروتني الفناجيل.......ليتني تركتك قبل ماشربك واضماك
احذر تهددني بقطع المواصيـــــــل.......دامت عيوني ياعيوني تمنـــــــــــاك
عطني حبيبي اي هم لك اشيل........جيتك وراسك ارهن العمر ارضــــــاك
لا لا تاخر لاظلم الليل بالليــــل........الليل فعلأ موحش بليــــــــــــــــــــــــاك




لها اكثر من خمس سنوات مع الفنان خالد عبدالرحمن
من خلال مصادري الخاصه بالاوتار الذهبيه اوكد لكم ان العمل ملحن وجاهز للطرح وإن شاء الله تكون ضمن اغاني الالبوم القادم


خبر التعاون منقول من لسان الشاعر قايد الشريف
تاكيد تلحين العمل من المصدر الخاص فـ له كل الشكر

[البرق الخاطف]

ملاحضات عن الفنان خالد

1

قناص معروف وكم فلم اره له

2

مايستخدم الاات التجميل ,,,,,,,اكيد بتقولون كيف عرفت

مره ذكر على الهواء المباشر قالو له مالك ياخالد مسمر شوي

قال اني اتي من صيد قبل اسبوع
وقالو له ماتستعمل المنضفات والمكياج

قال لا

تكفي كلمة لا

3

في اغانيه ما عمره اتااااااا بأمراه ترقص او تهز مثل باقي المغنين

4

متي شريطه يستلم الاسواق كثيره اسبوعين

[فجر العطا]

الصقر الجارح

ابو نايف يستاهل كل خير

اغانيه كلها اسطوره من الفن

ولم ينجرف مثل غيره مع تيار الموضه

يعطيك العافيه على هالتغطيه الرائعه

للفنان المتألق المبدع ابو نايف

دمت بخير

الفجر

[طير الهوى]

اخوي الصقر الجارح الله يعطيك العافيه

والله ان خالد عبدالرحمن فناني المفضل واتطلع لكل ما هو جديد عن ابو نايف


خصوصا انه بدوي ويحب القنص والرحلات البريه

[المحمدي]

يعطيك العافيه اخوي الصقر الجارح

وخالد عبد الرحمن فنان بمعنى الكلمه ويعتبر الفنان الوحيد الذي لا يظهر امام الكاميرا وهوا حاطط مكياج

والدليل على انه فنان بمعنى الكلمه لايظهر في الفيديو كليب حقه اي امراه وهذا هو الي يميزالقناص خالد عبدالرحمن

[الصقر الجارح]

الشكر للجميع على المرور
على الموضوع ولكن فيه ملاحظة ربما يكون هناك تغالط في بعض الاخبار
ليست اخطاء ولكن كون الفنان خالد يملك العديد من الاعمال الجاهزة التي تنتظر الطرح
والدليل اغنية انادي التي كان من المتوقع نزولها في البوم قمرآي
ولكن أجل نزولها الفنان خالد لأسباب فنية